Willem is die laaste keer Saterdag omstreeks middernag gesien by die Henbase Lodge langs die Vaalrivier.

Ondersoekspanne het alle veiligheidskameras deurgegaan op al die roetes vanaf die Lodge en kon nog geen bewyse kry dat Willem ooit die lodge verlaat het nie.

•Buiten die polisie se duikeenheid, help die K9 (honde-eenheid) van Lydenburg, asook die ondersoekspan van Mike Bolhuis en veiligheidspanne van die omgewing met die soektog.

•Foto’s wat die Middelburg Observer bekom het, wys dat die Vaalrivier naby die lodge ’n stroompie is wanneer hy nie in vloed is nie. Na swaar reën verlede week het die rivier egter in ’n bruin watermassa verander.