Lyzanne du Plessis (42) is op die toneel dood verklaar.

Haar suster, Charmain, sê hulle vermoed die stof van ’n verbygaande voertuig en die son het haar vir ’n oomblik verblind, waarop haar voertuig die pad verlaat en gerol het.

Me. Du Plessis was die afgelope agt jaar op Middelburg en het nadat sy haar werk verloor het, haar ma, Tertia Ellis, op die plaas gehelp.

Sy was vanaf Middelburg na die plaas op pad, toe die ongeluk naby die afdraai van die plaas (net ’n entjie voor Olifants River Lodge) gebeur het.
Haar familie het haar beskryf as ’n saggeaarde, behulpsame omgeemens.

Me. Du Plessis word oorleef deur haar ma, Tertia, suster Charmain en broers Mark en Jacques.

•Die familie sal vandag begin om begrafnisreëlings te tref.