’n Moedelose me. Marietjie Britz sê die kabel het R9 000 gekos en met die arbeid daarby is dit meer as R10 000.

Boonop het die booswigte die heining, wat sy ook by die Dierepark opgesit het, beskadig deur ’n stuk oop te sny.

“Ons het bykans géén inkomste verdien in Desember nie en in Januarie nie ’n sent gemaak om die Dierepark in stand te hou nie. Die Kersmark Desember kon weens die reën net drie keer oopmaak en Januarie het ons oorgetrek na die stasie toe.”

Sy sê die ideaal sal wees om net nou vir ’n week of wat ’n sekuriteitsbeampte te hê om alles op te pas tot die kabels gelê en alles op hul plek is.

“Ons kan dit eenvoudig net nie bekostig nie.”

• Die diefstal ten spyt, gaan hulle beslis Saterdag deel wees van die Vlooimark wat die Middelburg Stasie aanbied.