Hy dink hy is ’n makou!
Terwyl hy blaas-blaas saam met die ander diere by die Amora Dierepark (by die Middelburg Stasie) rondloop, pik-pik hy ook op die grond vir iets te ete saam met sy makou-maters.
Me. Marietjie Britz (Amora Dierepark) vertel dat iemand met die piepklein kolgansbaba by haar aangekom het in 2021.
Om seker te maak die katte vang hom nie, het sy hom vir ’n rukkie by die makoue in die hok gesit.
Nadat hy groot genoeg was om veilig buite rond te loop, het hulle hom uitgevat.
“Ek laat hom vry rondloop, want kolganse mag nie op hok gehou word nie en hy is vry om te vlieg waar hy wil. Waar ander kolganse elke winter wegvlieg, het hy besluit, hy wil ’n makou wees en klaar!”
• Persone wat die kolgans van nader wil bekyk, kan gaan inloer by die Amora Dierepark.
Toegang is R10 per persoon, wat aangewend word om die park in stand te hou en die diere te voed.
Vir enige navrae, bel me. Britz by 079 450 2336.
@middelburgobserver Amora Dierepark se kolgans dink hy is ’n makou
