Blitsige reaksie onder Noodroep Radiogroep (NRRG) Sektor 3 lede, het gelei tot die arrestasie van ’n dief, wat soos ’n haas oor mure gespring het.

Rachel Kies van NRRG Sek 3, het vertel hoe ’n boosswig toegang gekry het tot ’n erf in Vosstraat nadat hy op ’n drom getrap het.

Die dief het die fiets oor die heining getel toe ’n motoris hom raaksien en met sy toeter alarm maak.
Die huiseienaar is uit om te kyk wat aangaan toe sy die dief in haar motorhuis betrap. Hy het dadelik gevlug met die motoris agterna.

Sektor 3 lede is na die toneel ontbied, en met die hulp van Mid Alarms en CSC Tactical se reaksie offisiere is die dief vasgetrek.

“Ons bedank elke Radiogroep Sek. 3 lid, die sekuriteitsfirmas en die motoris en huiseienaar vir julle vinnige optrede,” het Rachel afgesluit.