Tarries ontbos na aanval op twee vroue
Die Steve Tshwete Munisipaliteit is tans besig om die bos aan die bo-kant van die Tarries fietsrybaan oop te kap.
Aerorand inwoner en ’n aktiewe fietsryer in die gemeenskap, Cobus Fourie, sê dat die munisipaliteit se vinnige ingryping na die aanval op Yvonne Swanepoel prysenswaardig is.
Yvonne (42) is Saterdagoggend met ’n mes in haar bors gesteek nadat drie jong mans op haar en Liesl Meyer toegesak het, en haar van haar fiets beroof het.
“Dat die munisipaliteit so vinnig reageer het, en dat een man in een dag soveel werk kon vermag wys dat hulle vir ons inwoners omgee,” het Cobus vertel.
Die fietsry gemeenskap het die munisipaliteit bedank dat hulle so vinnig ingegryp het.
Die bosarea is deur groot aantalle bosslapers en haweloses oorgeneem.
Daar is tydens ’n vorige ondersoek deur een hawelose aan die Middelburg Observer gesê dat as iemand na gesteelde fietse soek, moet hulle na Iraq Taxistaanplek toe gaan.
@middelburgobserver Tarries MTB course deforrested after stabbing of cyclist. #MTB #Tarries #TarriesMTB #Cycling #Middelburg
Lees ook:
Die land is aan die brand: Sportmanne en vroue al meer beroof, verkrag, vermoor
