Dié kommentaar het gevolg na aanleiding van ’n berig vanoggend op die webtuiste waar inwoners van Aeorand Sondag in die vroeë oggendure gewek is met skote wat afgevuur is.
Mnr. Nico Nagel sê hy ken die voertuig wat ’n klapgeluid maak soos ’n wapen, maar dit was beslis nie dit nie.

“Daar het ’n paar skote geklap en ’n klein rukkie later nog ’n paar skote.” Hy het sowat 20 skote gehoor en sê dit het geklink soos ’n 9mm pistool. Hulle het ook die eggo daarvan gehoor.

Kort na die berig op Facebook geplaas is, het Wynand Pretorius in sy kommentaar gesê dat hy buite was en dat dit ’n kar was wat in Keiskammastraat afgery het.

WK Visser het gesê dat daar ’n man Saterdagmiddag omstreeks 15:00 verby hul huis in Diepstraat (Aerorand) gehardloop het met ’n 9mm in die hand.
Die man het in die rigting van die Midwater Sentrum gehardloop.

“Ons het so groot geskrik, want daar was kinders buite by my. Het hulle net gegryp en in gehardloop.”

Elmarie Potgieter het gesê dat sy dit ook gehoor het. “Maar dit gebeur redelik gereeld!”

Lees ook:

Nagskieter ruk ouers wakker