Die sleepwa, met die tenk daarop, is in die vroeë oggendure in Renosterstraat (Kanonkop) gesteel.

Die inligting wat ontvang is, is dat die sleepwa vroegoggend deur die Middelburg Tolplaza gery het in eMalahleni se rigting.

Die berig is op talle groepe van hier tot Gauteng rondgestuur.

Vanmiddag is laat weet dat die sleepwa in Newtown, Mhluzi gekry is.

Die moontlikheid bestaan dat die booswigte op die ou Middelburg/Witbankpad teruggekom het tot by Newtown.

By ‘n huis het hulle die tenk met pype van die sleepwa afgehaal en alles van waarde ook van die sleepwa afgehaal.

Die polisie het inligting opgevolg en die sleepwa by die huis gevind.

Die verdagtes is steeds op vrye voet.

•  Alles is teruggekry. Die sleepwa sal later aan die familie terugbesorg word sodra hulle die ondersoek voltooi het.