Waterponie in vroeë oggendure gesteel
’n Waterponie is vanoggend net voor 03:00 uit ’n erf in Skurwebergstraat (Aerorand) gesteel.
Mnr. Attie Olivier sê die boewe het die elektriese heining met stokke opgelig en oor die muur geklim.
Op CCTV-videomateriaal kan ’n mens sien hoe vier van die booswigte die staalhek van die spoor aflig en daarna die waterponie tot in die straat stoot, waar hy aan die bakkie aangehaak word.
Dit lyk vir mnr. Olivier soos ’n enkelkajuit Toyota Hilux wat voor in die pad gewag het (een van die bure het hul CCTV-videomateriaal nagegaan en kon die bakkie gesien word).
Dit is ’n diepsee waterponie, met staanders aan die kante, vir diepsee hengel. Die waentjie waarop die waterponie is, se registrasienommer is JKC548MP.
Die waarde van die waterponie is R150 000.
As enige persoon die sleepwa met waterponie opmerk, bel mnr. Olivier by 082 610 9979.
• Vroeër die dag is ’n VW Polo opgemerk wat van onder in die straat af opgery gekom het en ’n rukkie voor die Oliviers se huis gestop het. Die vermoede bestaan dat die insittendes die huis dopgehou het.
@middelburgobserver Thieves made off with jetski by lifting a gate off of its rail and hooking it onto a vehicle in Aerorand, Middelburg. #Middelburg #crime #theft #jetski
