Sal Botha het in Dennesig vanaf Donderdag tot vanoggend al 110mm gemeet. Inwoners van Sentraal het laat weet dat hul reënmeters ook vol was oor die naweek met ’n totaal van 132mm gemeet.

David Nonyana, opsigter by die Middelburgdam, sê hy het tot nou toe 40mm gemeet.

Gawie Steyn was verstom toe hy hoor hoe baie dit op Middelburg gereën het.
Hy bly op Hendrina, wat ons opvangsgebied is, en hulle het net 28mm reën gehad sedert Donderdag.

• Die Middelburgdamstand het Sondag op 95.86% gestaan en is die kompensasieklep effens oopgemaak, waarna die dam vanoggend op 95.11% gestaan het.

• Vandag gaan dit nog koel en bewolk wees, met nog donderstorms en reën wat vir Dinsdag voorspel word. Teen Woensdag sal die son weer deurkom en kan ’n maksimum van 23 grade verwag word.