Bagasiebakmoord beskuldigdes in hof
Die drie mans en vrou wat aangekla is na die moord van Danie Maritz, wat in die bagasiebak van ’n uitgebrande voertuig gekry is, het gister weer in die hof verskyn.
Alex Jordaan, Angie Appelgryn, Jan Jordaan en Kobus Pretorius het gister vlugtig in die hof verskyn.
Tydens hul verskyning het een van die beskuldigdes, Alex Grobler, toestemming gevra om buite die eMalahleni area te pendel om vir sy ouers in KwaZulu-Natal te gaan kuier.
Hy het aangevoer dat hulle siek is en is die aansoek toegestaan.
Danie is tussen die nag van 15 November en die vroeë oggendure van 16 November 2023 by ’n skrootmetaal besigheid in Middelburg vermoor.
Sy oorskot is daarna in die bagasiebak van Appelgryn se voertuig gelaai en daarmee gery tot naby ’n myn in Clewer, waar dit aan die brand gesteek is.
Grobler, Appelgryn en Jordaan is kort na die moord gearresteer en Pretorius het homself, nadat die ander drie se borgverhoor reeds afgehandel is, aan die polisie oorgegee.
Pretorius en Jordaan word van die moord beskuldig en die klagtes teen Grobler en Appelgryn is rakende die gebeure waar Danie se oorskot verwyder is van die toneel en die voertuig, moet hom nog daarin, aan die brand gesteek is.
Jordaan en Pretorius is steeds in aanhouding en Appelgryn en Grobler het tydens een van hul vorige verskynings reeds borg gekry.
Die saak is uitgestel na later vanjaar.
• Tydens Grobler, Appelgryn en Jordaan se borgaansoek verlede jaar het die ondersoekbeampte, sersant Osia Banze, gesê dat hy borg teenstaan ten opsigte van die wreedheid waarmee die moord gepleeg is.
Lees ook:
