Die wedstryd tussen HTS Middelburg en Hoërskool Middelburg was ‘n harde stryd wat almal die hele tyd op hul voete gehou het.
In die laaste paar minute het talle ondersteuners in massas langs die veld hul gunstelingspan ondersteun.
Daar kan egter net een wenner wees en het die Rooies deurgedruk om die semifinaal van die Midvaal Plaatafdeling met 22-17 te wen.
Selfs die jongklomp het saam in die vreugde gedeel.
Kort nadat al die leerlinge op die veld gehardloop het om hul span geluk te wens, het ‘n dogter van HTS Middelburg op die veld flou geword. Te midde van al die opwinding, het ‘n groot groep leerlinge dadelik, soos by vorige geleenthede, ‘n muur om die dogter en die paramedikuste gevorm sodat hulle ongehinderd haar kon help.
Daar is pas verneem dat Transvalia teen Ligbron gewen het en sal HTS Middelburg dus teen Transvalia in die finaal te staan kom. Dit is op hierdie stadium onseker waar die wedstryd gespeel sal word.
@middelburgobserver ‘n Wenkreet van HTS Middelburg nadat hulle pas vir Hoërskool Middelburg in die semifinaal geklop het. Lees meer op die webtuiste van die Middelburg Observer!
