In April 2022 het Hoërskool Ermelo se 1972 matrieks hul 50ste reünie gehou en is dan en daar besluit dat as hulle 70 jaar oud word, dat daar wéér saamgekuier moet word.

Middelburger Attie Britz, een van die organiseerders van die reünie, vertel hoe lekker die groep almal saamgekuier het tydens die vorige reünie.
Die oud-rugbyspelers van daardie jaar het selfs op die veld gedraf voor ’n groot rugbydag by die skool.

“Dit is my missie en visie om vanjaar die grootste reünie te maak, wat nog by die skool gehou is!” sê hy opgewonde.

Die reünie word vanaf 25 tot 27 Oktobern gehou.

Attie meld dat die komitee reeds op 2 Maart vanjaar vergader het en dat die finale vergadering vir reëlings en getalle op 6 September sal plaasvind.

“Ek het reeds gedurende 2023 die skoolgroep in kennis gestel en die skool het dit ook op hul kalender aangeteken.”

As daar nog enige persone is wat in 1972 gematrikuleer het aan Hoërskool Ermelo, wat die reünie wil bywoon, moet hulle so gou as moontlik vir Attie skakel by 082 492 4495.