Kloof by Presidentsrus in ligte laaie na brandstigting
Daar woed tans ’n brand in die klowe van Presidentsrus met die plaaslike brandweer wat tans teenbrande maak om huise teen die vlamme te beskerm.
Talle van die huise is houthuise en inwoners sê die brand is gister reeds aangesteek.
Volgens een van die inwoners is die brand gistermiddag opsetlik oorkant Corobrik aangesteek.
Weens die droeë toestande, en aangedryf deur sterk winde, het die brand vinnig deur die veld na Presidentsrus beweeg.
Daar word tans op verskeie kolle teen brande geveg, insluitende in die kloof oorkant Olifants River Lodge.
Groot kolomme rook is sigbaar in die vallei.
Die brandweer het nou teenbrande in die klowe teen die rivier gemaak, vir ’n opwaartse brandstrook om huise teen die vlamme te beskerm.
Tot dusver was daar gelukkig geen eiendomsverliese aangemeld nie.
Verskeie mense, inluitende lodge personeel, help tans om die brande te bestry.
@middelburgobserver Fire in Olifants River Gorge threatens properties in Presidentsrus. #olifantsriversafaris #Presidentsrus #Middelburg #Fireseason #Fire
