Die gemeenskapspolisiëringsforum (GPF) se patrollie laat verlede week het beslis gewerk teen die diefstal van watermeters!

Juanitha Groenewald, GPF voorsitter, meld dat daar net één watermeter gesteel is in die tyd wat hulle Woensdagnag met meer voertuie patrollie gery het in Kanonkop en Dennesig.

Watermeterdiefstalle het ’n ernstige probleem geword en het Juanitha vroeg verlede week ’n beroep op die gemeenskap gedoen om saam te kom patrollie ry.
“Een persoon kon net ’n rukkie saamry, omdat hy vroeg die volgende oggend moes werk. Maar dit het ’n verskil gemaak!”

Waar hulle voorheen soms net drie voertuie was wat gery het, was daar daardie aand 24 mense en 12 voertuie (Sektor 3 ingesluit) wat saam gery het.

“Ons sê ook dankie vir al die nie-lede wat saam kom ry het!”

• Juanitha het dit wéér beklemtoon dat dit gratis is om by die GPF aan te sluit.

Vir enige navrae rakende die GPF se werksaamhede in Sektor 4 (waaronder Kanonkop en Dennesig val), skakel Tiny Louw (ondervoorsitter) by 071 227 5491.