Oog op die oggendverkeer en ander probleme op paaie
Een persoon is dood in 'n ongeluk laasnag net buite Belfast.
‘n Man is dood en verskeie mense hospitaal toe geneem in ‘n ongeluk by die Wonderfontein/Carolina kruising op die N4.
Na wat verneem word het die ongeluk tussen ‘n dubbelkajuit bakkie en ‘n VW Polos laasnag omstreeks middernag plaasgevind.
• Inwoners van Clubville moet daarop let dat alhoewel die hoek van Hobson- en Robertsonstraat oopgemaak is, die padoppervlak nie baie stabiel is nie. Herstelwerk aan die pad sal hierdie week begin.
Gerrie du Toit se voertuig het Vrydagoggend weggesak in die pad op dié hoek nadat ‘n sinkgat onder die teeroppervlak gevorm het weens ‘n gebarste pyp.
Lees ook: ‘Ry nog, toe sak pad net in’ – man vertel van sinkgat
Rdl. Elsie Vermooten was vanoggend daar en het motoriste wat in daardie area ry vanoggend weer gewaarsku om die area te vermy tot die pad reggemaak is. Die area was oor die naweek afgesper, maar is oop vir verkeer.
Lees ook: Video: Pad waar voertuig in sinkgat beland het, tydelik gesluit
• Motoriste het laat weet dat buiten druk verkeer, daar nie tans enige probleme op die ou N12, N4, Middelburg/Witbankpad, Vandyksdrifpad, Stoffbergpad en Loskopdampad tot by Doornkop is nie.
• As jy weet van enige ongelukke, slaggate of ander probleme wat verkeer beïnvloed, skakel of stuur ‘n WhatsApp met kort beskrywing en foto of video (indien moontlik) na 072 248 3855.
