Drie vroue en ‘n kind is dood in ‘n ongeluk net na 11:00 vanoggend op die N11, tussen Doornkop en die afdraai na De Voetpadkloof.

Na wat verneem word het ‘n Toyota Avanza die pad verlaat en gerol en het die vroue en seuntjie op die toneel gesterf. ‘n Jong seun is ernstig beseer en per ambulans hospitaal toe geneem. Nog ‘n kind en die bestuurder van die voertuig (‘n man) het ligte beserings opgedoen.

Een van die omstanders (wat anoniem wil bly) vertel dat daar sewe mense, drie vroue, ‘n man en drie kinders in die voertuig was.

“Dit was ‘n verskriklike traumatiese toneel!”

Familie van die oorledenes het opgedaag by die toneel en het hartseer bly staan tot hul geliefdes deur die forensiese span weggeneem is.