September het begin met ’n giggel-aanlyn.

Inwoners was laat September begroet met ’n vreemde gesig. Hul vrese oor ’n openbare selfmoord is vinnig besweer, nadat die Middelburg Observer self gaan ondersoek instel het na die vreemde hangende voorwerp op die ou Meijersbrug.

Dit was nie ’n liggaam wat aan ’n tou van die brug af gehang het nie, maar ’n gooiingsak.

Lees meer hier: https://www.citizen.co.za/middelburg-observer/news/2025/09/22/hanging-object-has-residents-fearing-public-suicide/

Die hartsnare is ook deur Franzette geroer na sy die aangrypende verhaal van gesinne en Alzheimer’s met Middelburg gedeel het.

Die berig is aanlyn gepubliseer onder die opskrif: ‘‘Ek verloor my pa een dag op ’n slag…’ Die rou werklikheid van ’n siekte waaroor mense grappies maak’.

’n Uittreksel lees: “Hy het kitaar gespeel, musiek opgeneem, en by feeste gesorg dat die klank reg is en die ligte mooi val. Hy was lewendig.  Hy was kreatief. Hy was betroubaar. Hy was my pa. En hy was snaaks. Hy kon altyd ’n grappie vertel om ’n kamer ligter te maak, selfs op dae wat swaar was. Sy humor was droog en slim, soms net ’n klein opmerking wat almal om die tafel laat huil het van die lag.

Ek onthou hoe hy met sy geselskap ’n vertrek kon vul met ligtheid. Nou is dit stil. Die grappies het saam met die woorde verdwyn. Maar nou en dan, heel onverwags, gebeur dit steeds. Hy kyk op, sy oë kry daardie vonk wat ek so goed ken, en hy lag. Net ’n slag of twee, soms sonder dat ons weet hoekom. Daardie lag is soos ’n sonstraal wat deur ’n wolk breek. Dit herinner my aan die man wat hy was, en dit hou my staande vir nog ’n dag.
En toe begin ons hom stadig verloor. Nie in een dramatiese oomblik nie, maar in klein, skerpsnyende stukkies.”

Lees meer hier: https://www.citizen.co.za/middelburg-observer/news/2025/09/25/ek-verloor-my-pa-een-dag-op-n-slag/

Daar is ook berig oor derduisende rande se inskrywingsgelde wat verlore gegaan het weens fietswedrenne wat op die nippertjie gekanselleer is.

Wynand de Villiers is beskuldig dat hy inskrywingsgelde teen ’n winskoop bemark het, wetende dat een van die wedrenne gekansselleer sou word. Selfs oorsese fietsryers het reeds akkommodasie geboek, wat hulle verder geld uit die sak gejaag het.

Die wedrenne het die Tour du Cap ingesluit. De Villiers Cycling is gelikwideer en verskeie van die land se groot fietsrygeleenthede het nie gerealiseer nie.

Lees meer hier: https://www.citizen.co.za/middelburg-observer/news/2025/09/04/huge-shock-for-the-countrys-cyclists/