Nege jaar gelede het kolonel Anton Crafford en drie van sy vriende duisend kilometer van Bloemfontein af tot in Kaapstad gestap, in ’n kankerinsamelingsveldtog.
Vandag was hy in die strate van die klein Vrystaatse dorpie, Bethulie, waar hy woon, om Andru van Zyl te verwelkom. Andru ry vanaf Polokwane tot in Kaapstad met sy fiets om geld in te samel vir Choc, Childhood Cancer Foundation.
Hy het op Middelburg aangedoen en daarna deur Mpumalanga en toe die Vrystaat getrap op pad na die Kaap.
Die oud Affie hoofseun het vanoggend vroeg in Smithfield weggespring en tot in Bethulie getrap. Op nuwejaarsdag neem sy tog hom tot op Colesberg en daarna na Middelburg, Nieu Bethesda, Graaff-Reinet en Jansenville.
Die traptog eindig op 22 Januarie in Seepunt.
Kolonel Crafford het saam met kolonel Deon van der Merwe, adjudant offisier Swannie Swanepoel en kolonel Hannes Wentzel van die Vrystaat af tot in Kaapstad gestap om R100 000 in te samel vir die Johlene-projek. Hy was een van die beste forensiese polisiemanne wat die land opgelewer het en het reuse werk in Mpumalanga gedoen om ernstige misdaad op te los.
@middelburgobserver KYK: Andru is veilig in Bethulie na lang Vrystaatse trap Oud Affie hoofseun in Bethulie deur kolonel Crafford verwelkom. Lees meer: #MiddelburgObserver #Middelburg #Mpumalanga #CyclingSA
