Die afgelope twee aande was hekmotordiewe weer erg bedrywig in Middelburg en was almal verras toe hulle verneem dat die Witbank Polisie 10 hekmotors in ‘n voertuig gekry het.

Videomateriaal wys hoe hekmotordiewe vanoggend om 02:17 in Bullerstraat, Dennesig, afgery kom, verby die hek ry en net buite sig stop. Twee persone spring uit, waarop hulle binne sekondes die motor van buite af buite aksie stel om die hek oop te skuif.

Hulle wikkel en ruk, maar die hekmotor wil nie los nie, waarna iets hulle klaarblyklik pla en hulle terughol na die wagtende voertuig toe, wat daarna weer wegry.

Kort nadat die inwoner die videomateriaal op die Dagpatrollie se WhatsApp-groep gedeel het, het ‘n ander inwoner van Elandstraat laat weet dat hulle hekmotor wel gesteel is (vir ‘n tweede keer) en daar is ook een gesteel in Steve Bikostraat.

In C.R. Swartstraat is erge skade aangerig toe die booswigte ook ‘n hekmotor probeer uitbreek het, maar dit nie kon uitkry nie.

Daar is vandag op dieselfde groep gedeel dat die Witbank Polisie gister tydens ‘n roetine patrollie ‘n voertuig probeer stop het, maar die insittendes het uitgespring en weggehardloop. Met nadere ondersoek is daar 10 gesteelde hekmotors gevind. Dit was alles ‘Centurion’ hekmotors.

@middelburgobserver

Gate motor thieves arrived in a vehicle, stopped in Buller Street, Dennesig (Middelburg), and jumped out to try and steal a gate motor in the early hours today. When they couldn’t get it loose, they climbed back into the vehicle and drove off, leaving the motor behind but damaged. Middelburg, Dennesig, CrimeAlert, GateMotorTheft, CommunityWatch, BeAlert, LocalNews, StaySafe, MiddelburgObserver

♬ original sound – MiddelburgObserver –

• Die afgelope paar jaar is daar letterlike tientalle hekmotors gesteel en al die videomateriaal het gewys hoe vinnig dit gedoen word. Interessant om te meld is dat bogenoemde hekmotordiewe bykans presies dieselfde klere gedra het as ‘n diefstal in Augustus verlede jaar.