Die atletiekbaan by Middies was getooi met kleur, energie en juigende aanmoediging tydens die skool se jaarlikse Interhuis-atletiekbyeenkoms.

Leerders het hul huise met trots verteenwoordig en alles gegee in ’n verskeidenheid baan- en velditems. Van die blitsige naellope tot indrukwekkende spronge, was dit ’n dag waar deursettingsvermoë, spanwerk en skoolgees uitgestaan het. Aan die einde van die byeenkoms het Excelda met die gesogde Wenbeker weg gestap en die Sangbeker is deur huis Denne oorwin.

Langs die baan het huisgees die botoon gevoer, met luidkeelse ondersteuning wat bygedra het tot ’n feestelike en kompeterende atmosfeer.

Verskeie rekords was ook deur die loop van die dag in die stof gelaat deur Charmari Botha – Dogters o.14 200m – 26.94s, Hilton Malgas – Seuns o.14 200m – 23.09s, Avuyile Belatji – Seuns o.14 200m – 23.84s, Sisa Mdluli – Seuns o.14 200m – 24.04s, Mogudi Phahlane – Seuns o.16 200m – 21.59s, Ruan Jansen van Rensburg – Seuns o.16 200m – 22.19s, Bonga Tau – Seuns o.15 verspring – 6.17m, Lefa Lebelo – Seuns o.16 verspring – 6.59m, Thelma Moloi – Dogters o.19 driespring – 11.13m, Hano Grobler – Seuns o.15 skyfwerp – 55.45m en Thokozani Kachelanga – Seuns o.14 hoogspring – 1.79m.

Die byeenkoms se Vicrix Lodorum is deur Thelma Moloi (Senior) en Dominique Mathebee (Junior) gewen. Lefa Lebelo (Senior) en Bonga Tau (Junior) is as die Victor Lodorum aangewys.

Dié interhuis het weereens bewys waarom dit ’n hoogtepunt op Hoërskool Middelburg se kalender is.