Ná weke van onsekerheid, spanning en hoop het die nuus waarop familie en vriende gewag het uiteindelik gekom. Hein van Deventer, ’n oud-Middelburg-inwoner wat as vermis aangemeld is, is gevind.

Daar is ’n beroep gedoen dat Hein en sy familie se privaatheid in hierdie sensitiewe tyd gerespekteer word.

Familielede het hul dankbaarheid openlik op sosiale media uitgespreek. Yvonne du Plessis geskryf: “Dankie aan al my vriende wat gedeel het. Hy is gevind en veilig. My kleinseun sal grootword en sy oom ken. Die waarheid sal ons vrymaak.”

• Die bekende speurder, Mike Bolhuis en sy span van Specialised Security Services (SSS), het deel van die ondersoek uitgemaak en ook op hul sosiale media gedeel dat Hein gevind is.