KYK: Vonke spat toe weerligstraal hek tref
Die vonke het behoorlik gespat toe ’n weerligstraatl gisteraand ’n hek getref het.
Tydens die elektriese storm gisteraand het die weerlig ’n hek raakgeslaan en kan ’n mens op kringtelevisiemateriaal duidelik sien hoe die vonke spat.
Jaco van der Walt het goedgunstiglik die videomateriaal (wat hy ook in stadige aksie opgeneem het) beskikbaar gestel vir die Observer om te gebruik.
@middelburgobserver Sparks fly as lightning hits gate during electrical storm in and around Middelburg. Video courtesy of Jaco van der Walt. Lightning, weatherreport, Badweather, MiddelburgObserver, BreakingNews, N11
Hy bly op ’n plot net buite Middelburg op die Loskopdampad en die oomblik toe die geweldige weerligstraal slaan om 19:34, het hy dadelik besef iets is raakgeslaan. Hulle het die buitekameras se videomateriaal nagegaan en gesien dat die hek getref is.
Dit was egter nie die enigste skade nie. Hul boorgatpomp is sedert die slag buitewerking, die krag was uitgeslaan en een van die ander mense op die plot sê hul televisie is ook stukkend. Jaco het verneem dat ander boere in die omgewing se boorgatpompe ook flenters is.
- Dit is die soveelste elektriese storm in die Middelburg omgewing. Verlede Sondag (25 Januarie) is een persoon dood en die ander een ernstig beseer toe ’n boom waaronder hulle gestaan het naby die Kosmosdam op Hendrina, raakgeslaan is. Saterdagaand is nog ’n man deur weerlig doodgeslaan naby die vullisterrein in Belfast toe hy vanaf Belfast geloop het op ‘n voetpad na Siyathuthuka.
