Alles is slaggereed vir die Mighty Men-byeenkoms wat more (Vrydag) 27 Februarie, op ’n plaas net anderkant Ultra City afskop.
Meer as ’n duisend mans het reeds aangedui dat hulle die byeenkoms gaan bywoon, met die vroue wat Sondag by hulle aansluit.

Een van die organiseerders, Carel Schoultz, het vanoggend gesê dat hulle nog hard besig is op die terrein, maar alles sal reg wees wanneer die mans more begin opdaag.
Sprekers wat gaan optree is die 7deLaan akteur Zane Mees, die dinamiese prediker Johandré Potgieter, Pickard Henn en Eugene Genis.

’n Vrou het 10 jaar gelede al ’n visioen gehad dat Schoultz by die Mighty Men betrokke moet wees.
Na ’n gebedsessie verlede jaar het hy gevoel “die heilige gees druk op sy hart” om ’n verskil te maak.
Die Mighty Men-saamtrek is interkerklik en kos R50 per persoon vir die hele naweek.
Vir navrae skakel Carel by 082 849 5009, Altus Badenhorst by 082 462 6540 of Gerrie Henn by 079 799 5849.

*Daar word ook vanaand op die Gholfsig koppie vanaf 18:00 gebid vir die dorp en die krisis in landbou.
“Almal van Middelburg. ’n Oproep tot gebed vanaand. Ons gaan saam lofprys en intree vir ons dorp en die boere, vir reën, die bek en klouseer krisis. Daar sal ook gebid word vir ’n suksesvolle Mighty Men, sodat dit ankerplek sal kry en jaarliks aangebied kan word. ’n Groot oomblik in ons dorp se geskiedenis,” lei die uitnodiging.
Vir navrae skakel Lukas Erasmus by 076 494 9570.