Oudpolisieman oorweeg om te appelleer teen uitspraak dat hy in aanhouding bly tot afhandeling van verhoor
Die oudpolisieman wat tereg staan op ten minste 37 klagtes, waaronder verkragting, oorweeg om appèl aan te teken teen die uitspraak dat hy in aanhouding moet bly tot die verhoor afgehandel is.
Borg is verlede Vrydag geweier vir die oudpolisieman wat op verskeie klagtes teregstaan en sy regsverteenwoordiger het bevestig dat hy dit oorweeg om appèl aan te teken.
Streeklanddros Esther Nevhutalu het tydens borguitspraak al die redes vir, en teen borg uiteengesit. Die landdros het in haar uitspraak die erns van die klagtes in ag geneem.
Mnr. Josef van Eeden, wat opgetree het vir die oudpolisieman tydens die borgaansoek, het gistermiddag bevestig dat die oudpolisieman dit oorweeg om appél aan te teken teen die uitspraak. Hy het dit egter duidelik gemaak dat daar nog nie gekyk is na ’n datum nie.
Van die 37 klagtes teen die oudpolisieman, sluit 11 klagtes van verkragting in.
Die oupolisieman is in Desember in die Kaap gearresteer en daar is tydens die hofverrigtinge gemeld dat die beweerde misdrywe tussen 1992 en 2019 plaasgevind het in Middelburg, Mbombela (Nelspruit) en Secunda.
- Daar was aanvanklik 13 klaers in die saak, maar daar is tydens sy vorige verskyning gesê dat daar nóg twee vroue na vore gekom het.
