Waar is dit lekker?
Nee man, nie net by Loftus nie!
Dit is lekker by Middelburg Fietsryklub.

’n Groot groep lede het aan die maandelikse klubuitstappie deelgeneem, waar daar grondpad na ’n plaas gery is, met warmbrakke en ’n koue lafenis op die einde.
Middelburg moet seker een van die sterkste oor 60 fietsrygroepe in die land hê.
Dit het die veteraan, Kobie Groenewald, weer gewys toe hy die maandelikse uitdaging gewen het.

Dit het bekend gestaan as die “Elevation Challenge” en hy het op 21 838 geëindig, met Riaan van den Berg tweede op 12 064 en Corné Ferreira 12 028 derde.