Kersvader mis een van sy bokke!
‘n Waterbok met kersliggies om sy kop het die industriële gebied op hol.
Die waterbokbul het byna ‘n voertuig getref in die hardloop.
Die voertuig se paneelbordkamera het die konfrontasie opgeneem.
Op die video pyl die bok reguit op die voertuig af.
Wat die bestuurder egter stomgeslaan het, is die feit dat die bok kersliggies om sy kop gedraai het.
Dit wys duidelik daarop dat die bok iewers in die hande van mense was. Dis tans egter nog onduidelik waar die bok vandaan kom.
Die voorval merk die tweede keer wat ‘n bok konsternasie in die dorp veroorsaak het, in minder as ‘n maand.
Op 30 Mei was die hele Kanonkop op hol, na twee koedoes hul intrek in die woonbuurt geneem het.
Die bokke is omstreeks 03:00 die oggend in Proteastraat opgemerk.
Middelburg Dagpatrollie het die bokke deurlopend gevolg en dop gehou totdat ‘n veearts kon opdaag om die bokke te pyl en skuif.
Een van die bokke het deur ‘n huis in Broodboomstraat se sitkamer venster gespring.
Die bok is later deur dr. Munnik Hertzog in die huis gepyl.
Lees hier: https://www.citizen.co.za/middelburg-observer/news/2026/06/01/de-voetpadkloof-se-koedoes-is-veilig/
Soos die verdowing ingeskop het, het die bok weer deur die gebreekte venster na buite geklim.
Hy is daar grond toe gevat en behandel deur dr. Hertzog.
Die ander bok het lêplek onder ‘n afdak in Tambotiestraat gekry.
Die jonger bok is onder die afdak gepyl waarna hy ongeveer 4km na Lovers’ Corner gehardloop.
Hy het egter in die rivier in gehardloop waar hy met groot moeite uitgehaal is.
Beide bokke is in die Loskop Natuurreservaat vrygelaat.
