Is jy dalk swaarmoedig?
Soek jy bietjie opwinding?
Wil jy sien wat ware vreugde is?
Nee, Dokter Phil gaan jou nie help nie.
Ry more sommer vroegoggend na Hoërskool Middelburg en spandeer die dag langs die rugbyveld.
Die derdes, o.14 A en C-spanne skop al agt uur af, met die hoofwedstryd om 12:25.
Met die reuk van worsbroodjies in jou neusvleuels, word meegevoer deur opgewonde ouers, mooi drieë, spanning en vergeet van al jou wêreldse laste.
Ja-ja weet hierdie klink soos ’n goedkoop bemarkingsberig vir more se wedstryde by Middies, maar dit is nie.
’n Video wat wyd gesirkuleer word, vang die vreugde vas van ’n dag langs die rugbyveld.
Toe Mogedi Phalane van Hoërskool Middelburg se o.16 A-span Saterdag oorduik, vir die wendrie (23-22), teen die magtige Monnas van Krugersdorp, het dit ontplof.
Vreugde onbeperk!
Ons hoef niks verder te sê nie, kyk die video.
