Die woorde legende, ystervrou en ysterman, word rojaal gebruik.
Dan kry jy Magda Niewoudt, ’n driekamper wat die woord ystervrou versinnebeeld.
Magda het skaars die Afrika-fietsrykampioenskap in Kenia gewen of sy was op die vliegtuig om in Sjina aan die Xiamen-diekamp-uitdaging deel te neem.
Pérez Sala het eerste uit die water gekom in 25:28, byna twee minute voor die res van die vroue, en het die grootste voorsprong tydens die fietsry-afdeling opgebou. Haar tyd van 2:02:35 was meer as 11 minute vinniger as enigiemand anders onder die topvyf-vroue.
Sy het die hardloop-afdeling begin met ’n voorsprong van 15:03 op Jasmine Brown, terwyl Magda na die derde plek opgeskuif het nadat sy ’n tyd van 2:13:53 op die fiets behaal het. Brown het agt sekondes vinniger gehardloop as Pérez Sala, maar die verdedigende kampioen het steeds ’n stewige voorsprong behou en die eindstreep in 4:00:04 oorgesteek.
Brown het tweede geëindig in 4:14:59 en Magda derde in 4:16:38.
Die top vyf plekke en hul tye:
• 1ste plek: Sara Pérez Sala (Spanje) – 4:00:04
• 2de plek: Jasmine Brown (Australië) – 4:14:59
• 3de plek: Magda Nieuwoudt (Suid-Afrika) – 4:16:38
• 4de plek: Caroline Bridges (VAE)
• 5de plek: Sam McInnes (Brittanje). Die oud-Middelburger se fokus verskuif nou na die RideJonburg deur die strate van Johannesburg, ’n padwedloop van 97 kilometer.
Sy het verlede jaar derde geëindig.
