Rooies op oorlogspad teen EG Jansen

HTS Middelburg se rugbyspanne het na ’n droewige seisoen van verlede jaar behoorlik kop opgetel.

May 27, 2019

Tobie van den Bergh 1 minute read

In 2018 wen die Rooies slegs een uit nege wedstryde teen EG Jansen, maar slaag vanjaar daarin om ses uit die nege keer aan die wenkant te wees.

Met die 2019-rugbyseisoen wat sy halfpadmerk bereik het, is HTS Middelburg tans in die eerste plek van die Virseker Beker Reeks met die o.16A’s in die 1ste-posisie, o.14A’s in die 2de-posisie, o.15A’s in die 6de-posisie en die 1stes in die 5de-posisie.

Alhoewel die eerste rugbyspan vanjaar volgehoue vordering toon, meen die Rooi Bulle se hoofafrigter, mnr. Gert Lindeque, dat die eerste span met hul voorbereiding in die besonder aandag aan hul fokus sal gee om te verhoed dat die span sagte drieë afstaan.

Uitslae van die onderskeie wedstryde soos volg met die ROOIES se tellings eerste:

o.14A 54-0
o.14B 14-12
o.15A 10-10
o.15B 36-12
o.16A 41-22
o.16B 33-10
4des 12-29
3des 0-5
2des 21-28
1stes 7-43

“Baie geluk aan elke speler wat sy beste op die veld gegee het. Dankie aan al die afrigters en ouers wat ons skool se seuns tydens elke oefening en wedstryd ondersteun. Ons glo en vertrou dat die komende af naweek voldoende ruskans aan die spelers, afrigters en ouers sal bied!”