Alle oë is vandag op Sun City gerig. Die Nedbank gholf uitdaag skop af met ’n groot Suid-Afrikaanse veld.
Die miljoen dollar toernooi kan ’n tweestryd wees tussen die land se jong spelers en die res.
Van die jongelinge wat die oog vang is Garrick Hugo, Christo Lamprecht, Aldrich Potgieter, Yurav Premlall, Robin Williams en Ryan van Velzen.

Middelburg se oë gaan egter gerig wees op Potgieter, wat hulle beskou as hulle eie.
Hy het ’n droom jaar en maak sy buiging in die toernooi.
Hy slaan vanoggend om 10;39 af saam met Nick Taylor en Hoitong Li.
’n Spannende vier dae wag met die hoop dat ’n Suid-Afrikaner weer ’n slag die gesogte toernooi wen.