Hoërskool Middelburg is op 30 en 31 Januarie die gasheerskool vir die Mpumalanga Junior Muurbal Interhoër, waar van die beste jong muurbalspelers in aksie saal wees.

Die toernooi open amptelik om 08:00 op Vrydag, 30 Januarie, voor die Middies-muurbalbane. Die muurbalbane is onlangs verbeter om aan hoë kompetisiestandaarde te voldoen.

Die seuns eerstespanne gaan hul wedstryde by die Middelburg Buiteklub speel, terwyl die dogters eerstespanne by HTS Middelburg in aksie sal wees. Die seuns B- en die gemengde spanne, gaan hul wedstryde op die Middies-muurbalbaan speel.

Verskeie skole van regoor Mpumalanga sal aan die interhoër deelneem, waaronder Hoërskole Middelburg, Nelspruit, en Secunda, Uplands, HTS Witbank, HTS Middelburg, asook ’n uitnodigingspan bestaande uit spelers van verskillende skole.

Die geleentheid beloof om hoëgehalte muurbal, gesonde mededinging en sterk skolesportmangees op te lewer.