Daar is Saterdag Moeilikheid op Loftus Versfeld terwyl Jakkals ook sy Vibes gaan gooi.
Asof dit nie genoeg is dat die Bulls en Stormers vir aksie gaan sorg in die Verenigde Rugby Kampioenskap wedstryd nie, is ’n vermaakprogram bymekaar gesit wat KKNK sal jaloers maak.
Gesinsuitstappie
Dit is amper soos in die ou dae waar rugby ’n gesinsuitstappie was, waar jy agt uur die oggend by die stadion se hek gewag het.
Daardie jare het die laerskole al agt uur begin speel, dan die hoërskole, die o/20 span, die B-spanne en daarna die hoofdis.
Die Daisies maak amok
Nou kom die Bulls Daisies Saterdag om 10:30 teen die Oostelike Provinsie se Queens te staan.
Die Daisies maak deesdae amok in die land met een na die ander groot oorwinning.
Om 11:40 is Julanie J Moeilikhjeid aan die beurt, gevolg deur Martin Bester en sy orkes om 12:20.
Afskoptyd
Die spanne van die Bulls en Stormers kom 12:35 by die veld aan.
Afskop is om 14:00.
Halftyd is daar die Vodacom dino dash.
Na die wedstryd tree DJ Arod op om 16:00, Jakkals Vibes 16:20, Jazzy D 17:00 en 18:00 DJ Arod/ShaMan.
