HTS Middelburg het vergoed vir sy nederlaag op die eerste dag teen Trio by die Noord/Suid rugbyweek wat by Afrikaans Hoër Seunskool in Pretoria aangebied word.

Die Rooi Bulle het Humansdorp se Nico Malan naelskraap met 31-28 gewen.

Hoërskool Middelburg het sy tweede nederlaag op die lyf geloop, toe hy deur Wesvalia van Klerksdorp met 22-28 geklop is.

Die rugbyweek loop vandag ten einde, met wedstryde wat tot vanaand voortgesit word.

Nelspruit, wat deesdae deur die oud Puma Curriebeker afrigter, MJ Mentz, gebrei word, lyk op hierdie stadium na die Mpumalanga skool om te klop. Die Laevelders het ’n goeie 42-22 oorwinning oor Voortrekker van Bethlehem behaal.

Die Nelspruiters het ook met Framesby afgereken, 22-19.

Ander interessante uitslae is Hoërskool Middelburg tweedes klop Witteberg 50-7.

HTS Middelburg tweedes klop Trio met 30-24.

• Op Volksrust het Hoërskool Kanonkop by die Amajubaweek weer sy stem dik gemaak deur deur Morgenzon met 53-5 af te ransel. Die wedstryd is halftyd gestop.

• Die skool se tweedes het met 12-19 teen Alberton vasgeval.