Rugby 15 teen 15 nie 15 teen 13
Pumas Cravenweek span val vas in eerste kragmeting
Rugbywedstryde word tussen 15 spelers gespeel, nie 13 nie. Die Pumas het in hulle eerste wedstryd by die Cravenweek wat in Gqeberha aangebied word, met 43-29 teen Griekwas vasgeval, nadat hulle een geel kaart na die ander gekry het.
Voorsprong verkrummel
Griekwas het eers in die laaste 10 minute ’n geel kaart gekry na herhaalde oortredings.
Die Pumas het goed begin en gou voorgeloop, maar die kaarte het hulle voorsprong stelselmatig laat verkrummel.
Uplands se tweeling Siphesihle en Thubehile Marule het albei gaan druk.
Losskakel Ewan van der Merwe van Hoërskool Nelspruit het met sy stelskoppe gesukkel en kon nie een van die eerste drie drieë verdoel nie.
Plaasvervanger blink uit
Uzile Ox Mathelela van HTS Middelburg het uitgblink toe hy as plaasvervanger opgestuur is en gou ’n losbal gewen.
Die span sal nou later die week vir die laer plekke meeding.
- Die Rhino manne in die Puma Akademie span het vanoggend hulle toernooi in Uitenhage suksesvol afgeskop met n oorwinning van 48-26 oor die Border Bulldogs! Welgedaan manne!
