Vrywilligers in Parys met die hulp van plaaslike besighede het sedert gister onverpoosd begin werk om sakke en sand bymekaar te maak om voor te berei vir die stygende watervlak na 10 sluise gister by die Vaaldam oopgetrek is.

Vloedwater het in 2023 groot skade aan Parys se paaie veroorsaak toe rivierwater daarin afgeloop het.

Die gemeenskap het dus besluit om voorkomend op te tree en die sandsak-projek geloods.

Die laagwaterbrug na Gholfeieland in Parys is sedert gister onder water en gesluit vir voetgangers en verkeer met water wat sterk oor die brug spoel.

Water het opgestoot op die grasperke by die laagwaterbrug wat toegang na Parys Golf & Country Estate verleen.

Tot dusver is 400 sandsakke vol gemaak te danke aan hande uit die gemeenskap, bydraes van individue en besighede asook die Ngwathe munisipaliteit wat hul TLB beskikbaar gestel het.

Die sandsakke is reeds gepak op areas waar die vloedwater die maklikste in paaie sal invloei.

Selfs besoekers het nader gestaan en help sandsakke pad.