Die bokser Chris van Heerden se meisie, Ksenia Karelina, is deur die Russe in hegtenis geneem vir hoogverraad en kan tot 12 jaar tronkstraf kry indien sy skuldig bevind word aan dié ernstige aanklag.

Die 33-jarige Karelina is blykbaar ‘n amateur ballerina van Los Angeles wat burgerskap van die beide Rusland en die VSA het.

Van Heerden, ‘n kampioenbokser, is oorspronklik van Meyerton en woon al ‘n geruime tyd in Los Angeles.

Hy het in ‘n plasling op X gevra dat mense vir sy meisie bid.

To all my dear friends and loved ones,

It deeply saddens me to share with you the distressing news that my girlfriend is currently being held in a Russian detention center. This incredibly difficult situation has been ongoing for several weeks now, during which I was unable to…

— Chris van Heerden (@TheHeat001) February 21, 2024

Karelina is volgens nuusberigte in die Russiese stad Jekaterinburg in die Oeralberge in hegtenis geneem het nadat sy volgens Russiese owerhede die Oekraïne in hul oorlog teen Rusland befonds het.

Sy het glo $51 aan ‘n Oekraïense liefdadigheidsorganisasie geskenk.

Van Heerden het in ‘n onderhoud met die Amerikaanse nuuskanaal ABC7 gesê dit voel vir hom soos ‘n nagmerrie. Kyk die volledige onderhoud hier:

Hy het vertel hoe hy Karelina se vliegkaartjie Rusland toe gekoop sodat sy haar familie in Rusland kon besoek. Dit was glo ‘n verjaarsdagpresent.

‘n Emosionele Van Heerden het tydens die onderhoud begin huil.