’n Gruweldaad in Leeuhof, Vereeniging, het daartoe gelei dat drie mense vandag in hegtenis geneem is.

Aanvanklik is ‘n 36-jarige ma in hegtenis geneem vir mensehandel nadat sy glo haar nege-jarige dogtertjie aan mans uitverhuur het vir seks.

Daar word beweer dat dit reeds die afgelope twee jaar gebeur.

‘n Verdagte sou na bewering die ma en haar dogter by ‘n kafee in Leeuhof optel en hulle dan na ‘n plek in De Deur neem.

Hier sou die verdagte eers met die ma seks gehad het en daarna die dogtertjie verkrag het.

Vandag, ure ná die ma gearresteer is, is haar saamleefmaat (31) en ‘n derde verdagte ook in hegtenis geneem.

Vaalweekblad verstaan dat die vrou en haar saamleefmaat glo die inkomste van die mensehandel gedeel het. ‘n Saak van mensehandel word dus ook nou teen die saamleefmaat ondersoek.

Die derde verdagte, ‘n volwasse man, word van verkragting aangekla aangesien hy na bewering seks met die minderjarige gehad het.

Al drie sal na verwagting Vrydag in die Vereeniging-landdroshof op verskyn.