Kleurryke blommefees by Kolonnade-winkelsentrum
Pretoria-Noord blommeklub het hulle talente met rangskikkings kom wys.
’n Kleurryke blommeskou is onlangs by Kolonnade-winkelsentrum gehou waar bloemiste die kans gekry het om hul skeppings uit te stal.
Blommeklubs en entoesiaste het van 11 tot 16 Oktober die Kolonnade Blommefees bygewoon.
Annemarié Brits, van die Anna Louw Blommeklub in Dorandia beskryf die fees as ’n groot sukses.
“Dit was ’n uitstalling van uitstaande gehalte met die pragtigste ontwerpe,” sê sy.
“Daar was verskillende temas: Awesome, Sizzling hot, Bold splendour, The sparkle of glass, asook Blomme vir ma in die kinderafdeling.”
Brits bedank borge en ondersteuners wat gehelp het om die fees ’n sukses te maak.
“Al ons eie klublede asook persone van ander klubs het ’n klomp pryse gewen soos: Beste op skou, Beste kleurgebruik en Interessante ontwerp, waarvoor daar eerste, tweede en derde prys beskikbaar was.”
Brits moedig blomme-entoesiaste en belangstellendes aan om by hul naaste blommeklub aan te sluit en hul vernuf met blommerangskikkings te deel.
Lees ook:
Armed robbery at Kolonnade shopping centre
Second robbery at Kolonnade shop
Food outlet robbed at Kolonnade
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
