Serame Phetoane is met ingang 2 Junie aangestel as die Ngwathe Plaaslike Munisipaliteit se Hoof Finansiële Beampte.

Phetoane het  in Januarie diens by Ngwathe aanvaar as finansiële bestuurder, en het daarna van Februarie tot Mei waargeneem as die munisipalieit se Hoof Finansiële Beampte.

Hy is in die pos aangestel nadat die werwingsproses  vir die vakature van Hoof Finansiële Beampte voltooi is.

Phetoane was voorheen verbonde aan die Maluti-a-Phofung Plaaslike Munisipaliteit as interne ouditeur, asook by die Vrystaatse Provinsiale Tesourie as adjunkdirekteur, en by die ouditeur-generaal as oudit-assistent.

Daarbenewens was hy ook interne ouditeur by die Mohokane Plaaslike Munisipaliteit, senior staatsrekenmeester by die departement van verdediging, en assistent rekenmeester by AngloGold.

Phetoane het ‘n B.Com Honneursgraad en B.Com-graad in rekeningkunde, asook ‘n sertifikaat in die Municipal Finance Management Programme (MFMP) -‘n kwalifikasie wat spesifiek daarop gemik is om vaardighede op te skerp vir finansiële bestuurspraktisyns by Suid-Afrikaanse munisipaliteite.