Volgens ao Mpho Manyoba, polisiewoordvoerder, daag die rowers by mense se huise op en vertel vir die niksvermoedende huishulpe dat hulle van een of ander regeringsdepartement is en ’n onderhoud met hulle wil voer om seker te maak alles is nog reg by die werkplek,” vertel Manyoba.
Sodra hulle toegang tot die perseel verkry het, word die huishulp oorval en en die huis word beroof.
’n Huis in Strausslaan in Potchefstroom is Vrydagoggend omstreeks 11:00 op dié manier beroof. Tydens die rooftog is twee mense in die huis aangehou terwyl die verdagtes juwele en elektroniese toestelle gesteel het. Die verdagtes het glo in ‘n blou Nissan bakkie en ‘n roomkleur Mercedes van die toneel gevlug. Die polisiehelikopter is geaktiveer, maar kon nie die verdagtes opspoor nie.