Parys het oor die naweek 12mm reën gehad wat in Eerstelaan gemeet is en word koel temperature en nog reën vir die week voorspel. Maksimum temperature vir die week sal wissel tussen 23 en 29 grade Celsius,en minimum temperature tussen 14 en 18 grade Celsius.

Die rivieruitlaatkleppe by Vaaldam sal van vandag af (Maandag 23 Februarie) tot 27 Februarie tussen 08:00 en 16:00 toegemaak word vir meganiese instandhouding van die kleppe. Die kleppe word gebruik vir beheerde, kleiner uitlate om damvlakke fyn te bestuur. Sou instandhouding vroeër voltooi word, sal inligting dienooreenkomstig gegee word.

Vaaldam was verlede week 101% vol, terwyl Bloemhofdam op 92,28% gestaan het.