Die Vrystaatse Eenheid vir Georganiseerde Misdaad, Moord en Roof doen ’n beroep op die publiek om te help met die soektog na die verdagtes wat betrokke was by die OTM-bomontploffings by ’n kruidenierswinkel in Villiers op 23 Maart.

Twee OTM’s is geteiken, terwyl ’n derde nie beskadig is nie.

’n Groep van ongeveer sewe onbekende verdagtes, wat vermoedelik in ’n wit 7-sitplek voertuig (Toyota of Suzuki) met ’n onbekende registrasienommer gereis het, word met die voorval verbind.

Skote is op sekuriteitspersoneel en polisie afgevuur wat op die toneel gereageer het. Niemand is beseer nie.

’n Onbekende bedrag kontant is tydens die voorval gebuit.

Enigiemand met inligting word gevra om speur-konstabel Malefane Motloung te kontak by 082 603 5265 of Crime Stop by 08600 10111. Anonieme wenke kan ook deurgegee word op die MySAPS-toepassing.

i