Dokter Johann Langeveld is Dinsdagaand 27 Oktober in die ouderdom van 81 jaar ná ‘n kort siekbed in ‘n hospitaal in Pretoria oorlede.

Hy het die afgelope 18 jaar in Parys gepraktiseer by sy praktyk in Reuniestraat nadat hy van Kaapstad na Parys verhuis het. 

Dok Langeveld sal onthou word as iemand wat altyd ‘n positiewe uitkyk op die lewe gehad het. Iemand wat altyd geluister het, en as bekwame dokter vir jare sy pasiënte bygestaan het. 

Hy was ‘n buitemens wat besonder lief was vir die bos, see, hengel, seiljagvaart, snorkel en gholf. 

Sy kinders, Leonore Burmeister, Lizé Coetzee en Juan Langeveld, kleinkinders Zané en Marko, en suster, Irma Elske, sal hom met net die mooiste herinneringe onthou.