Die polisie in Potchefstroom doen ’n beroep op die gemeenskap om te help om die 60-jarige Jurie Jacobus Pieters te vind wat sedert Woensdag, 5 Augustus, vermis word.

Pieters is volgens die polisie op 5 Augustus deur die bestuurder van Huis Hebron Farm gesien toe hy hom by die Mooirivier-winkelsentrum afgelaai het.

’n Omvattende soektog en ondersoek het tot dusver nog niks opgelewer nie.

Pieters het ten tyde van sy verdwyning ’n swart baadjie, blou denim en bruin stewels aangehad en dra ‘n bril. Hy het ’n ligte gelaatskleur, ’n skraal liggaamsbou en grys hare.

Enigiemand wat inligting het oor waar Pieters hom bevind, of hom gesien het, word versoek om die ondersoekbeampte, adjudant-offisier Lungile Plaatjie, by 082 779 7200 te skakel.