Maak jou maar reg – Eskom sit weer die ligte af dié week.

Vandag, Dinsdag 1 September word fase 2 beurtkrag vanaf 12:00 ingestel en sal Parys tussen 16:00 en 18:30 geraak word.

En dan waarsku Eskom se woordvoerder, Sikonathi Mantshantsha, ook dat die beurtkrag-situasie vir die res van die week sal voortduur.

Hy sê tien eenhede het in die afgelope 48 uur gebreek, en sou die situasie versleg kan daar op kort kennisgewing tussen fases oorgeskakel word.

So hou maar die kerse reg – beurtkrag is jou voorland vir die week.