Parys-muurbalklub kon spog met die meeste trofees wat verower is by die Fezile Dabi-toernooi wat van 5-7 September gehou is. Die toernooi was dan ook die Noord-Vrystaat kampioenskappe.

Die klub is baie trots op al die kinders wat gespeel het en die spog prestasies wat behaal is.

Baie geluk ook aan Bianke Pienaar wat die trofee ontvang het as  Parys se Speler.

Bianke het boonop die besondere prestasie behaal om gekies te word om aan die Redtone KL International Junior Open in Kuala Lumpur deel te neem wat van 5 tot 10 Desember gehou word, en die Onacare Singapore Junior Open wat van 12 tot 17 Desember in Singapore gehou word.