Sterk wind word vir Sondag oor die Noordwes, Gauteng en Vrystaat-provinsies, asook die weste van KwaZulu Natal voorspel.

Die Suid-Afrikaanse Weerdiens het vroeër die week aangedui dat ‘n goedontwikkelde afsny-laagdrukselsel oor die naweek  gaan inbeweeg oor die weste van die land. Dit sal  stormsterk winde en reën veral vir die Kaap meebring.

Reën- en donderbuie kan ook oor die weste van die land verwag word wat dan Sondag en Maandag na die sentrale dele en meer oos sal versprei.

Die verwagting is dat dié weerstoestande teen Maandag sal opklaar.

Reën word vir Sondag vir Parys voorspel.