Sewentien netbalspanne het die afgelope naweek aan die Lente Netbal Rondomtalie by die laerskool se netbalbane deelgeneem. Die rondomtalie wat ’n jaarlikse instelling is, is vanjaar gehou as fondsinsameling vir die Likkewaan-kanoklub. Dié keer was die vroue wenspan van Vanderbijlpark, terwyl die Vrystaat-span die Mededingende Ope-liga gewen het.

Ervare of onervare – Saterdag het oor meer as net wen gegaan. Vir baie was dit ’n eerste keer ooit op die netbalbaan en ’n eerste kennismaking met die sport. Baie is geleer en daar was baie pret. Verseker ’n  dag om te onthou.