Vroue van die plaaslike Vroue Landbou Unie (VLU) tak het 4 April oor blymoedigheid en dankbaarheid gesels. Engela Greeff was die spreker. Sy het verwys na Habakuk 3:19, en die vroue aangemoedig om dankbaar en ingesteld op die lewe te leef.

Heidi Coetzee het die oggend ook ‘n demonstrasie kom gee van die pragtige artikels wat met Macramé gemaak kan word. Een van die handwerk-artikels wat die VLU vroue vanjaar sal maak, is Macramé, en is baie by Heidi geleer.

Die volgende VLU vergadering is 2 Mei. Kom kuier saam en luister na die interessante gesprekke, demonstrasies en wenke wat hier gedeel word.

As jy die volgende byeenkoms wil bywoon, skakel Bernadet van der Ende by 082 474 0304, of Annatjie Dreyer 082 464 0204.